Dire TOTO ዜና l ህዳር 21፣ 2018
3ኛ ሳምንቱን የድሬዳዋ የብስክሌት ውድድር ዛሬ በገንደ ተስፋ አካባቢ በሚገኘው አዲሱ አስፋልት ተካሂዷል ።
በዕለቱ በተካሄደው የጨዋታ ውጤት ፦
በማዉንቴን ባይክ 12 ኪ.ሜትርና በሸፈነው የ12 ዙር ዉድድር ረመዳን በያን፣ በሱፍቃድ ታረቀኝ እና ያሬድ ግርማ ከ1ኛ እስከ 3ኛ ደረጃዎችን በመያዝ አሸንፈዋል ።
በከፍተኛ ኮርስ 29 ተወዳዳሪዎች በአራት ክለቦች ተወክለዋል። 30 ዙሮችን በሸፈነው ርቀት በአጠቃላይ በድምር ዉጤት አሚር ጃፈር ከድሬ ቶቶ ብስክሌት ክለብ አሸንፏል ፤በሀይሉ ፍቅሬና ናትናኤል ጥላሁን በተመሳሳይ ከጀማል ሮጎራ ብስክሌት ክለብ ሁለተኛና ሶስተኛ በመሆን አጠናቀዋል።
በቮላታ ጨዋታ በረከት ደሳለኝ ከድሬ ቶቶ ክለብ ፤ ናትናኤል ጥላሁን ፣ ሃይሌ አወል ከGR ክለብ አሸናፊ ሆነዋል።
ይህን የድሬዳዋ ብስክሌት ክለቦች እና የግል ሻምፒዮና ዉድድሩ በፍሪ ውሀ አጋርነት ከወጣቶችና ስፖርት ኮሚሽን ጋር በመተባበር ተዘጋጅቷል።
አነቃቂና አዝናኝ የድሬዳዋ ብስክሌት ውድድር መርሀ ግብሩ በቀጣይ ሳምንት በከዚራ ኮሪደር ልማት ጎዳና በሚካሄደው ጨዋታ እንደሚጠናቀቅ ታውቋል።