ድሬ ቶቶ ብስክሌት ቡድን ለውድድሩ አስፈላጊውን ዝግጅት ማጠናቀቃቸውን አሰልጣኙ  ፤ ተጫዋቾች እና የቡድን መሪው ተናገሩ ።
Dire TOTO ሰኔ 17/2017 | መቀሌ

በኢትዮጵያ ብስክሌት ፌዴሬሽን አዘጋጅነት በትግራይ ክልል አስተናጋጅነት ከሰኔ 18 ቀን እስከ 22 ቀን 2017ዓም የኢትዮጵያ ሻምፒዮና ይካሄዳል።  ለመጀመሪያ  ጊዜ  የሚካፈሉት ድሬ ቶቶ ክለብ በመቀሌ ከተማ ያደረጉትን ዝግጅት አጠናቀው በውድድሩ ጥሩ  ውጤት ለማምጣት መዘጋጀታቸውን የቡድኑ ተጫዋቾች ፤  አሰልጣኝ እና የቡድኑ መሪ ገልፀዋል። 

የቡድኑ ተጫዋችና አንበል አሚር ጃፈር " በክለቡ አስፈላጊ እንደተረገላቸው  እና ውድድሩን በጥሩ  ውጤት ለማጠናቀቅ ተዘጋጅተናል ። 
የክለቡ አሰልጣኝ አቶ ምስግና ገብርዩ በበኩሉ  ቡድኑ በቂ ዝግጅት ማድረጉን ጠቁመው ክለቡን በውጤት ለማስጠራት የምንችለውን ሁሉ እናደርጋለን ብለዋል።

ኘሮፊሽናል ተጫዋች ኪያ ጀማል " በውድድሩ ውጤት ለማስመዝገብ እንደተዘጋጀ በመግለጽ  አሁን ላይ  የድሬዳዋን ስም በብስክሌት ስፖርት ዳግም ለማስጠራት ድሬ ቶቶ ብስክሌት ክለብ  እያደረገ ላለው  እንቅስቃሴ ባለቤቱን አቶ ቢኒያም ነገሱ  ሊመሰገን ይገባል ነው ያለው ።


የክለቡ ቦርድ አባልና አጠቃላይ የቡድን መሪ አቶ ዮናስ ተፈራ በበኩሉ ለዚህ ውድድር  እንደ ክለብ የተዘጋጀት አድርገናል ፤ ከ1 ሚሊዮን 500 ሺህ ብር ወጪ ለጨዋታው ሁለት የክሮኖ መወዳደሪያ ብስክሌት ገዥተን ለተጫዋቾች የሚፈልጉትን አሟልተናል።ቡድኑም  ጠንካራ ተፎካካሪ ሆኖ እንደሚቀርብ ተናግሯል።

የ2017 የኢትዮጵያ ብስክሌት ሻምፒዮና  ውድድር ነገ ሰኔ 18/2017 በመቀሌ ከተማ በድምቀት ይጀመራል