TOTO l ግንቦት 3 ፣ 2017ዓም 

በ6ኛው መላው የድሬዳዋ ጨዋታዎች ብስክሌት  ውድድር  በ3ኛው ቀን መርሀግብር  ድሬ-ቶቶ ክለብ  በግልና በቡድን የበላይነቱን ይዞ አጠናቋል፡፡ ከጨዋታው  በኃላ የክለቡ ዋና አሰልጣኝ ምስግና ገብርዬ ከቶቶ ሚዲያ ኔትወርክ ጋር በነበራቸው ቆይታ እንደጠቆሙት የዛሬው ውጤት በመጪው ግንቦት 10 ቀን 2017 ዓ.ም ፍፃሜውን በሚያገኘው ውድድር ክለባችን የዋንጫ ባለቤት መሆን የሚችልበትን ዕድል ያሰፋ ነበር ብለዋል፡፡ 

"እስካሁን ባለው ነጥብ እየመራን ያለነው እኛ ነን … በተለይም በዛሬው ውድድር የክለባችን ልጅ ኤፍሬም ይሄነ በመሰለ ሰፊ ልዩነት ማሸነፍ መቻሉና ሌላው የክለባችን ልጅ አሜር ጃፈር ሦስተኛ ደረጃን ይዞ በማጠናቀቁ የአጠቃላይ አሸናፊነቱ ወደ እኛ ያጋደለ ነው የሚመስለው" እሰተያየታቸውን ሰጥተውናል፡፡ 

አሰልጣኝ ምስግና አክለውም ክለባቸው ከቀን ወደ ቀን በቡድን ሥራ ላይ ጥሩ መሻሻሎች እያሳየ መምጣቱን በዚህ ውድድር ላይ መመልከታቸውን ጠቁመው እነዚን ጥንካራ ጎኖቻችን ወደፊትም እንቀጥልበታለን በማለት ለቶቶ ሚዲያ ኔትወርክ ተናግረዋል፡፡ 

6ኛው መላው የድሬዳዋ ጨዋታዎች ብስክሌት ስፖርት ውድድር  የፊታችን ግንቦት 10 ቀን 2017 ዓ.ም በሚካሄድ የፍፃሜ ጨዋታ ሻምፒዮናው ማሳረጊያውን እንደሚያደርግ ከወጣው መርሀግብር  መረዳት ተችሏል፡፡