"አዲሱ ክለቤን አሸናፊ ማድረግ በመቻሌ በጣም ደስተኛ ነኝ" የድሬ-ቶቶ ብስክሌተኛው ኤፍሬም ወሉ ተናገረ!

Published on May 11, 2025
23 views

DIRETOTO l ግንቦት 3 ፣ 2017ዓም 

ገና በ19ኛ ዓመት ዕድሜ ላይ የሚገኘው ኤፍሬም ወሉ ጥላሁን ተወልዶ ያደገው በትግራይ ክልል አክሱም ከተማ ነው፡፡ 

ኤፍሬም ታላቅ ብስክሌተኛ የመሆን ህልምን የሰነቀው ደግሞ  ገና በህፃንነት ዕድሜው ላይ እያለ ትግራይ ያፈራቻቸው ታዋቂና ስመ ጥር ብስክሌተኞች በከተማቸው ተዘጋጅቶ በነበረ ውድድር ላይ እርስ በእርሳቸው  ሲፎካከሩ  በማየት ነው፡፡ 

በአክሱም ከተማ በተራ ብስክሌት በግሉ በተለያዩ ውድድሮች ላይ በመሳተፍ  ያሳለፈ  ኤፍሬም... ዛሬ ደግሞ ወደ ድሬዳዋ  በማቅናት የድሬ ቶቶ ስፖርት ክለብ በይፋ ተቀላቅሏል፡፡ 

በዛሬው ዕለት እሁድ ግንቦት 03 ቀን 2017 ዓ.ም 6ኛው መላው የድሬዳዋ ጨዋታዎች የብስክሌት ክለቦች ውድድር የ3ኛ ቀን መርሀግብር በድሬዳዋ ከተማ ልዩ ስሙ ከፖሊስ መምሪያ ማሪያም ሰፈር ተብሎ በሚጠራው አካባቢ ተካሂዷል፡፡ 

35 ዙር  በአጠቃላይ 87 ኪ.ሜ በሸፈነው ርቀት  አዲሱ የድሬ-ቶቶ ብስክሌተኛ አፍሬም ወሉ በፍፁም የበላይነት ማሸነፍ ችሏል፡፡
በዚህ ውድድር ኤፍሬም ከ18 ዙር ጀምሮ ከአጀቡ ተነጥሎ  በመውጣት የተቀሩትን ተወዳዳሪዎች በረጅም ርቀት በተቀሩት ዙሮች ላይ ለብቻው በመምራት በሰፊ ልዩነት ባለ ድል ሆኗል፡፡ 

" ውድድሩ ተጀምሮ 5 ዙር እንደሆነው  ነበር ፣ እኔ አሸናፊ መሆን እንደምችል ያወቅኩት … ክለቤን በግል አሸናፊነት ውጤታማ እንዲሆን በማድረጌ በጣም ደስተኛ ነኝ … በቀጣይም ክለቤን በብዙ መድረኮች ባለድል ለማድረግ የአቅሜን ያህል እጥራለሁ… ለህዝቡም ለደጋፊዎቻችንም ትልቅ  ምስጋና ማቅረብ እፈልጋለሁ " በማለት አስተያየቱን ለቶቶ ሚዲያ ኔትወርክ ተናግሯል ፡፡ 

ኤፍሬም ወሉ  በዛሬው  ጨዋታ ያስመዘገበው ውጤት ከዚህ ቀደም ተካሂደው በነበሩት ሁለት ውድድሮች ላይ በቡድን ብቻ አሸናፊ መሆን የቻለውን የቶቶ ክለብ አስተማማኝ በሆነ ብልጫ በግል ባለድል ማድረግ በመቻሉ ከብዙዎች አድናቆት ተችሮታል፡፡

 
 

RELATED

EVENTS

6ኛው መላው የድሬዳዋ ጨዋታዎች

ፓሊስ መምሪያና ማሪያም ሰፈር | | Dire Dawa | ETHIOPIA

እሁድ ሚያዚያ 26/2017 6ኛው መላው የድሬዳዋ ጨዋታዎች የብስክሌት ውድድር በመጪው ግንቦት 10 ቀን 2017 ዓ.ም ይጠናቀቃል...

04

May

'25

Sunday

Read More

View All Events