ዛሬ ሚያዚያ 26 ቀን 2017 ዓ.ም በድሬደዋ ከተማ መክፈቻውን ያደረገው 6ኛው መላው የድሬዳዋ ጨዋታዎች የብስክሌት  ውድድር በመጪው ግንቦት 10 ቀን 2017 ዓ.ም ይጠናቀቃል፡፡

የብስክሌት ውድድሩ በከተማዋ ልዩ ስሙ ፓሊስ መምሪያና ማሪያም ሰፈር ተብሎ በሚጠራው አካባቢ የተካሄደ ሲሆን በ35 ዙር የሚጠናቀቅ  87.5  ኪ.ሜ የሸፈነ ነበር ፡፡ 

በውድድሩ በግል የድሬደዋ ከተማ(ድሬ ከነማ) ብስክሌተኛው እያሱ እሸቱ 1ኛ ሲወጣ ፤ የፖሊስ ክለቡ ብሩክ  ፍርድአወቅ 2ኛ  ፤  በዕደሜ ትንሹ የቶቶ ክለብ ብስክሌተኛው አሀድ ብርሀነ ደግሞ  3ኛ በመውጣት ውድደሩን ማጠናቀቅ ችሏል፡፡ 

በአጠቃላይ በቡድን ደግሞ የድሬ ቶቶ ክለብ 2:13:57 በማጠናቀቅ አሸንፈዋል፡፡ ድሬዳዋ ፖሊስ ክለብ 2:17:48 ሰዓት 2ኛ እና ድሬዳዋ ከተማ  3ኛ መውጣት ችለዋል፡፡ 

በመለስተኛ ኮርስ ቢ ምድብ ሚኪያስ ታደሰ ፤ እዩብ ሙሳ ፤ሚኪያስ ፋንቱ ከ1ኛ እስከ 3ኛ ደረጃን ተከታትለው በመግባት አሸንፈዋል፡፡ ውድድሩም 15ዙር  37.5 ኪሎሜትር የሸፈነ ነው፡፡ 

ከውድድሩ መጠናቀቅ በኋላ ያነጋገርናወች የቶቶ ክለብ አዲሱ አሰልጣኝ ምስግና ገብርዬ ከዕቅዳችን አንፃር ያገኘነው ውጤት ጥሩ የሚባል ነው፡፡ 

"ልጆቼ የነገርኳቸውን  በሚገባ ሰምተውኝ በውድድሩ ላይ ተግባራዊ ማድረጋቸው ውጤታማ አድርጎናል .. በቀጣይ ውድድሮች ውጤት ያጣንብትን የግል አሸናፊነት ትኩረት ሰጥተን እንሰራበታለን " ብለዋል፡፡ 

6ኛው መላው የድሬዳዋ ጨዋታዎች የብስክሌት  ውድድር በመጪው ሐሙስ ሚየዚያ 30 ቀን 2017 ዓ.ም የሚቀጥል ነው፡፡
ይሄው ውድድሩም መነሻውን ድሬደዋ ከተማ አድርጎ መድረሻውን ደግሞ በኦሮሚያ ክልል ጨለንቆ ከተማ ያደረገ የአገር አቋራጭ ውድድር መሆኑን ከወጣው መርሀግብር ለማወቅ ችለናል፡፡ 

በኤፍሬም አክሊሉ